ಶ್ರೀ ಹನುಮತ್ಪಞ್ಚರತ್ನಸ್ತೋತ್ರಮ್
(ಶ್ರೀ ಶಂಕರಾಚಾರ್ಯಕೃತಮ್)
ವೀತಾಖಿಲವಿಷಯೇಚ್ಛಂ ಜಾತಾನನ್ದಾಶ್ರುಪುಲಕಮತ್ಯಚ್ಛಮ್ |
ಸೀತಾಪತಿದೂತಾಖ್ಯಂ ವಾತಾತ್ಮಜಮದ್ಯಭಾವಯೇ ಹೃದ್ಯಮ್ || ೧ ||
ತರುಣಾರುಣಮುಖಕಮಲಂ ಕರುಣಾರಸಪೂರಪೂರಿತಾಪಾಙ್ಗಮ |
ಸಞ್ಜೀವನಮಾಶಾಸೇ ಮಞ್ಜುಲಮಹಿಮಾನಮಞ್ಜನಾಭಾಗ್ಯಮ್ || ೨ ||
ಶಂಬರವೈರಿಶರಾತಿಗಮಮ್ಬುಜದಲವಿಪುಲಲೋಚಾನೋದಾರಮ್ |
ಕಮ್ಬುಗಲಮನಿಲದಿಷ್ಟಂ ಬಿಮ್ಬಜ್ವಲಿತೋಷ್ಠಮೇಕಮಾಲಮ್ಬೇ || ೩ ||
ದೂರೀಕೃತಸೀತಾರ್ತಿಃ ಪ್ರಕಟೀಕೃತರಾಮವೈಭವಸ್ಫೂರ್ತಿಃ |
ದಾರಿತದಶಮುಖಕೀರ್ತಿಃ ಪುರತೋ ಮಮ ಭಾತು ಹನುಮತೋ ಮೂರ್ತಿಃ || ೪ ||
ವಾನರನಿಕರಾಧ್ಯಕ್ಷಂ ದಾನವಕುಲಕುಮುದರವಿಕರಸದೃಶಮ್ |
ದೀನಜನಾವನದೀಕ್ಷಂ ಪವನತಪಃಪಾಕಪುಂಜಮದ್ರಾಕ್ಷಮ್ || ೫ ||
ಏತತ್ ಪವನಸುತಸ್ಯ ಸ್ತೋತ್ರಂ
ಯಃ ಪಠತಿ ಪಞ್ಚರತ್ನಾಖ್ಯಮ್ |
ಚಿರಮಿಹ ನಿಖಿಲಾನ್ ಭೋಗಾನ್ ಭುಕ್ತ್ವಾ
ಶ್ರೀರಾಮಭಕ್ತಿಮಾನ್ ಭವತಿ || ೬ ||
No comments:
Post a Comment