Tuesday, February 26, 2013

ಶ್ರೀ ಕಾಮಾಕ್ಷೀಸ್ತೋತ್ರಮ್


ಶ್ರೀ ಕಾಮಾಕ್ಷೀಸ್ತೋತ್ರಮ್

ಕಾಞ್ಚೀನೂಪುರರತ್ನಕಙ್ಕಣಲಸತ್ಕೇಯೂರಹಾರೋಜ್ಜ್ವಲಾಂ
ಕಾಶ್ಮೀರಾರುಣಕಞ್ಚುಕಾಞ್ಚಿತಕುಚಾಂ ಕಸ್ತೂರಿಕಾಚರ್ಚಿತಾಮ್ |
ಕಲ್ಹಾರಾಞ್ಚಿತಕಲ್ಪಕೋಜ್ಜ್ವಲಮುಖೀಂ ಕಾರುಣ್ಯಕಲ್ಲೋಲಿನೀಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಕಾಮಾರಾತಿಮನಃಪ್ರಿಯಾಂ ಕಮಲಭೂಸೇವ್ಯಾಂ ರಮಾರಾಧಿತಾಂ
ಕನ್ದರ್ಪಾಧಿಕದರ್ಪದಾನವಿಲಸತ್ ಸೌನ್ದರ್ಯದೀಪಾಙ್ಕುರಾಮ್ |
ಕೀರಾಲಾಪವಿನೋದಿನೀಂ ಭಗವತೀಂ ಕಾಮ್ಯಪ್ರದಾನವ್ರತಾಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಕಾದಮ್ಬಪ್ರಮದಾಂ ವಿಲಾಸಗಮನಾಂ ಕಲ್ಯಾಣಕಾಞ್ಚೀರವಾಂ
ಕಲ್ಯಾಣಾಚಲಪಾದಪದ್ಮಯುಗಲಾಂ ಕಾನ್ತ್ಯಾ ಸ್ಫುರನ್ತೀಂ ಶುಭಾಮ್ |
ಕಲ್ಯಾಣಾಚಲಕಾರ್ಮುಕಪ್ರಿಯತಮಾಂ ಕಾದಂಬಮಾಲಾಶ್ರಿಯಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಗನ್ಧರ್ವಾಮರಸಿದ್ಧಚಾರಣವಧೂಧ್ಯೇಯಾಂ ಪತಾಕಾಞ್ಚಿತಾಂ
ಗೌರೀಂ ಕುಙ್ಕುಮಪಙ್ಕಪಙ್ಕಿತಕುಚದ್ವನ್ದ್ವಾಭಿರಾಮಾಂ ಶುಭಾಮ್ |
ಗಮ್ಭೀರಸ್ಮಿತವಿಭ್ರಮಾಙ್ಕಿತಮುಖೀಂ ಗಂಗಾಧರಾಲಿಙ್ಗಿತಾಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ವಿಷ್ಣುಬ್ರಹ್ಮಮುಖಾಮರೇನ್ದ್ರವಿಲಸತ್ಕೋಟೀರಪೀಠಸ್ಥಲಾಂ
ಲಾಕ್ಷಾರಞ್ಜಿತಪಾದಪದ್ಮಯುಗಲಾಂ ರಾಕೇನ್ದುಬಿಮ್ಬಾನನಾಮ್ |
ವೇದಾನ್ತಾಗಮವೇದ್ಯಚಿನ್ತ್ಯಚರಿತಾಂ ವಿದ್ವಜ್ಜನೈರಾವೃತಾಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಮಾಕನ್ದದ್ರುಮಮೂಲದೇಶಮಹಿತೇ ಮಾಣಿಕ್ಯಸಿಂಹಾಸನೇ
ದಿವ್ಯಾಂ ದೀಪಿತಹೇಮಕಾನ್ತಿನಿವಹಾಂ ವಸ್ತ್ರಾವೃತಾಂ ತಾಂ ಶುಭಾಮ್ |
ದಿವ್ಯಾಕಲ್ಪಿತದಿವ್ಯದೇಹಭರಿತಾಂ ದೃಷ್ಟಿಪ್ರಮೋದಾರ್ಪಿತಾಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಆಧಾರಾದಿಸಮಸ್ತಚಕ್ರನಿಲಯಾಮಾದ್ಯನ್ತಶೂನ್ಯಾಮುಮಾಂ
ಆಕಾಶಾದಿಸಮಸ್ತಭೂತನಿವಹಾಕಾರಾಮಶೇಷಾತ್ಮಿಕಾಮ್ |
ಯೋಗೀನ್ದ್ರೈರಪಿ ಯೋಗಿನೀಶತಗಣೈರಾರಾಧಿತಾಮಮ್ಬಿಕಾಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಹ್ರೀಙ್ಕಾರಪ್ರಣವಾತ್ಮಿಕಾಂ ಪ್ರಣಮತಾಂ ಶ್ರೀವಿದ್ಯವಿದ್ಯಾಮಯೀಂ
ಏಂ ಕ್ಲೀಂ ಸೌಂ ರುಚಿ ಮನ್ತ್ರಮೂರ್ತಿನಿವಹಾಕಾರಾಮಶೇಷಾತ್ಮಿಕಾಮ್ |
ಬ್ರಹ್ಮಾನನ್ದರಸಾನುಭೂತಿಮಹಿತಾಂ ಬ್ರಹ್ಮಪ್ರಿಯಂವಾದಿನೀಂ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಸಿದ್ಧಾನನ್ದಜನಸ್ಯ ಚಿನ್ಮಯಸುಖಾಕಾರಾಂ ಮಹಾಯೋಗಿನೀಂ
ಮಾಯಾವಿಶ್ವವಿಮೋಹಿನೀಂ ಮಧುಮತೀಂ ಧ್ಯಾಯೇತ್ ಶುಭಾಂ ಬ್ರಾಹ್ಮಣೀಮ್ |
ಧ್ಯೇಯಾಂ ಕಿನ್ನರಸಿದ್ಧಚಾರಣವಧೂ ಧ್ಯೇಯಾಂ ಸದಾ ಯೋಗಿಭಿಃ
ಕಾಮಾಕ್ಷೀಂ ಕಲಯಾಮಿ ಕಲ್ಪಲತಿಕಾಂ ಕಾಞ್ಚೀಪುರೀದೇವತಾಮ್ || ||

ಕಾಮಾರಿಕಾಮಾಂ ಕಮಲಾಸನಸ್ಥಾಂ
ಕಾಮ್ಯಪ್ರದಾಂ ಕಙ್ಕಣಚೂಡಹಸ್ತಾಂ  |
ಕಾಞ್ಚೀನಿವಾಸಾಂ ಕನಕಪ್ರಭಾಸಾಂ
ಕಾಮಾಕ್ಷಿದೇವೀಂ ಕಲಯಾಮಿ ಚಿತ್ತೇ || ೧೦ ||

No comments:

Post a Comment