Tuesday, February 26, 2013

ಶ್ರೀಜಗದ್ಧಾತ್ರೀಸ್ತೋತ್ರಮ್


ಶ್ರೀಜಗದ್ಧಾತ್ರೀಸ್ತೋತ್ರಮ್
    (ಶ್ರೀಜಗದ್ಧಾತ್ರೀ ಕಲ್ಪಾಂತರ್ಗತಮ್)     

ಆಧಾರಭೂತೇಚಾಧೇಯೇ  ಧೃತಿರೂಪೇ ಧುರಂಧರೇ |
ಧ್ರುವೇ ಧ್ರುವಪದೇ ಧೀರೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಶಿವಾಕಾರೇ ಶಕ್ತಿರೂಪೇ ಶಕ್ತಿಸ್ಥೇ ಶಕ್ತಿವಿಗ್ರಹೇ |
ಶಾಕ್ತಾಚಾರ ಪ್ರಿಯೇ ದೇವಿ ಜಗದ್ಧಾತ್ರಿ ನಮೋಽಸ್ತು ತೇ || ||

ಜಯದೇ ಜಗದಾನನ್ದೇ ಜಗದೇಕಪ್ರಪೂಜಿತೇ |
ಜಯ ಸರ್ವಗತೇ ದುರ್ಗೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಸೂಕ್ಷ್ಮಾತಿಸೂಕ್ಷ್ಮರೂಪೇ ಪ್ರಾಣಾಪಾನಾದಿರೂಪಿಣಿ |
ಭಾವಾಭಾವಸ್ವರೂಪೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಕಾಲಾದಿರೂಪೇ ಕಾಲೇಶೇ ಕಾಲಕಾಲ ವಿಭೇದಿನಿ |
ಸರ್ವಸ್ವರೂಪೇ ಸರ್ವಜ್ಞೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಮಹಾವಿಘ್ನೇ ಮಹೋತ್ಸಾಹೇ ಮಹಾಮಾಯೇ ವರಪ್ರದೇ |
ಪ್ರಪಞ್ಚಸಾರೇ ಸಾಧ್ವೀಶೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಅಗಮ್ಯೇ ಜಗತಾಮಾದ್ಯೇ ಮಾಹೇಶ್ವರಿ ವರಾಂಗನೇ |
ಅಶೇಷರೂಪೇ ರೂಪಸ್ಥೇ ಜಗದ್ಧಾತ್ರಿ ನಮೋಽಸ್ತು ತೇ || ||

ತೀರ್ಥಯಜ್ಞತಪೋದಾನಯೋಗಸಾರೇ ಜಗನ್ಮಯಿ |
ತ್ವಮೇವ ಸರ್ವಂ ಸರ್ವಸ್ಥೇ ಜಗದ್ಧಾತ್ರಿ ನಮೋಽಸ್ತು ತೇ || ||

ದಯಾರೂಪೇ ದಯಾದೃಷ್ಟೇ ದಯಾರ್ದ್ರೇ ದುಃಖಮೋಚನಿ |
ಸರ್ವಾಪತ್ತಾರಿಕೇ ದುರ್ಗೇ ಜಗದ್ಧಾತ್ರಿ ನಮೋಽಸ್ತು ತೇ || ||

ಅಗಮ್ಯಧಾಮಧಾಮಸ್ಥೇ ಮಹಾಯೋಗೀಶಹೃತ್ಪುರೇ |
ಅಮೇಯಭಾವಕೂಟಸ್ಥೇ ಜಗದ್ಧಾತ್ರಿ ನಮೋಽಸ್ತು ತೇ || ೧೦ ||

No comments:

Post a Comment