Wednesday, February 27, 2013

ಶಿವಶಂಕರಸ್ತೋತ್ರಮ್


ಶಿವಶಂಕರಸ್ತೋತ್ರಮ್

ಅತಿಭೀಷಣಕಟುಭಾಷಣಯಮಕಿಂಕರಪಟಲೀ
ಕೃತತಾಡನಪರಿಪೀಡನಮರಣಾಗತಸಮಯೇ |
ಉಮಯಾ ಸಹ ಮಮ ಚೇತಸಿ ಯಮಶಾಸನ ನಿವಸನ್
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್  || ||

ಅಸದಿನ್ದ್ರಿಯ ವಿಷಯೋದಯಸುಖಸಾತ್ಕೃತಸುಕೃತೇಃ
ಪರದೂಷಣಪರಿಮೋಕ್ಷಣಕೃತಪಾತಕವಿಕೃತೇಃ |
ಶಮನಾನನಭವಕಾನನನಿರತೇ ಭವ ಶರಣಂ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್  || ||

ವಿಷಯಾಭಿಧಬಡಿಶಾಯುಧಪಿಶಿತಾಯಿತಸುಖತೋ
ಮಕರಾಯಿತಗತಿಸಂಸೃತಿಕೃತಸಾಹಸವಿಪದಮ್ |
ಪರಮಾಲಯ ಪರಿಪಾಲಯ ಪರಿತಾಪಿತಮನಿಶಂ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್  || ||

ದಯಿತಾ ಮಮ ದುಹಿತಾ ಮಮ ಜನನೀ ಮಮ ಜನಕೋ
ಮಮ ಕಲ್ಪಿತಮತಿಸನ್ತತಿಮರುಭೂಮಿಷು ನಿರತಮ್ |
ಗಿರಿಜಾಸಖ ಜನಿತಾ ಸುಖ ವಸತಿಂ ಕುರು ಸುಖಿನಂ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್  || || 


ಜನಿನಾಶನ ಮೃತಿಮೋಚನ ಶಿವಪೂಜನನಿರತೇಃ
ಅಭಿತೋಽದೃಶಮಿದಮೀದೃಶಮಹಮಾವಹ ಇತಿ ಹಾ |
ಗಜಕಚ್ಛಪಜನಿತಶ್ರಮ ವಿಮಲೀಕುರು ಸುಮತಿಂ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ||  

ತ್ವಯಿ ತಿಷ್ಠತಿ ಸಕಲಸ್ಥಿತಿಕರುಣಾತ್ಮನಿ ಹೃದಯೇ
ವಸುಮಾರ್ಗಣಕೃಪಣೇಕ್ಷಣಮನಸಾ ಶಿವ ವಿಮುಖಮ್ |
ಅಕೃತಾಹ್ನಿಕಮಸುಪೋಷಕಮವತಾದ್ ಗಿರಿಸುತಯಾ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ||  

ಪಿತರಾವತಿಸುಖದಾವಿತಿ ಶಿಶುನಾ ಕೃತಹೃದಯೌ
ಶಿವಯಾ ಹೃತಭಯಕೇ ಹೃದಿ ಜನಿತಂ ತವ ಸುಕೃತಮ್ |
ಇತಿ ಮೇ ಶಿವ ಹೃದಯಂ ಭವ ಭವತಾತ್ ತವ ದಯಯಾ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ||  

ಶರಣಾಗತಭರಣಾಶ್ರಿತಕರುಣಾಮೃತಜಲಧೇ
ಶರಣಂ ತವ ಚರಣೌ ಶಿವ ಮಮ ಸಂಸೃತಿವಸತೇಃ |
ಪರಿಚಿನ್ಮಯ ಜಗದಾಮಯಭಿಷಜೇ ನತಿರವತಾತ್
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ||  

ವಿವಿಧಾಧಿಭಿರತಿಭೀತಿಭಿರಕೃತಾಧಿಕಸುಕೃತಂ
ಶತಕೋಟಿಷು ನರಕಾದಿಷು ಹತಪಾತಕವಿವಶಮ್ |
ಮೃಡ ಮಾಮವ ಸುಕೃತೀ ಭವ ಶಿವಯಾ ಸಹ ಕೃಪಯಾ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ||  

ಕಲಿನಾಶನ ಗರಲಾಶನ ಕಮಲಾಸನವಿನುತ
ಕಮಲಾಪತಿನಯನಾರ್ಚಿತಕರುಣಾಕೃತಿಚರಣ |
ಕರುಣಾಕರ ಮುನಿಸೇವಿತ ಭವಸಾಗರಹರಣ
ಹರ ಶಂಕರ ಶಿವ ಶಂಕರ ಹರ ಮೇ ಹರ ದುರಿತಮ್ || ೧೦ ||      

No comments:

Post a Comment