ಶ್ರೀಲಕ್ಷ್ಮೀಧ್ಯಾನಮ್

ಶ್ರೀಲಕ್ಷ್ಮೀಧ್ಯಾನಮ್

ಸಿನ್ದೂರಾರುಣಕಾನ್ತಿಮಬ್ಜವಸತಿಂ ಸೌನ್ದರ್ಯವಾರಾಂನಿಧಿಂ

ಕೋಟೀರಾಙ್ಗದಹಾರಕುಣ್ಡಲಕಟೀಸೂತ್ರಾದಿಭಿರ್ಭೂಷಿತಾಮ್ |

ಹಸ್ತಾಬ್ಜೈರ್ವಸುಪತ್ರಮಬ್ಜಯುಗಲಾದರ್ಶಂವಹನ್ತೀಂ ಪರಾಂ

ಆವೀತಾಂ ಪರಿವಾರಿಕಾಭಿರನಿಶಂ ಧ್ಯಾಯೇ ಪ್ರಿಯಾಂ ಶಾರ್ಙ್ಗಿಣಃ || ೧ ||

ಭೂಯಾತ್ ಭೂಯೋ ದ್ವಿಪದ್ಮಾಭಯವರದಕರಾ ತಪ್ತಕಾರ್ತಸ್ವರಾಭಾ

ರತ್ನೌಘಾಬದ್ಧಮೌಲಿರ್ವಿಮಲತರದುಕೂಲಾರ್ತವಾಲೇಪನಾಢ್ಯಾ |

ನಾನಾ ಕಲ್ಪಾಭಿರಾಮಾ ಸ್ಮಿತಮಧುರಮುಖೀ ಸರ್ವಗೀರ್ವಾಣವನದ್ಯಾ

ಪದ್ಮಾಕ್ಷೀ ಪದ್ಮನಾಭೋರಸಿಕೃತವಸತಿಃ ಪದ್ಮಗಾ ಶ್ರೀ ಶ್ರಿಯೇ ವಃ || ೨ ||

ವನ್ದೇ ಪದ್ಮಕರಾಂ ಪ್ರಸನ್ನವದನಾಂ ಸೌಭಾಗ್ಯದಾಂ ಭಾಗ್ಯದಾಂ

ಹಸ್ತಾಭ್ಯಾಮಭಯಪ್ರದಾಂ ಮಣಿಗಣೈರ್ನಾನಾವಿಧೈರ್ಭೂಷಿತಾಮ್ |

ಭಕ್ತಾಭೀಷ್ಟಫಲಪ್ರದಾಂ ಹರಿಹರಬ್ರಹ್ಮಾದಿಭಿಸ್ಸೇವಿತಾಂ

ಪಾರ್ಶ್ವೇ ಪಙ್ಕಜಶಙ್ಖಪದ್ಮನಿಧಿಭಿರ್ಯುಕ್ತಾಂ ಸದಾ ಶಕ್ತಿಭಿಃ || ೩ ||