Tuesday, February 26, 2013

ಆಪದುದ್ಧಾರಕದುರ್ಗಾಸ್ತೋತ್ರಮ್


ಆಪದುದ್ಧಾರಕದುರ್ಗಾಸ್ತೋತ್ರಮ್
    (ಶ್ರೀ ಸಿದ್ಧೇಶ್ವರೀತನ್ತ್ರಾನ್ತರ್ಗತಮ್)

ನಮಸ್ತೇ ಶರಣ್ಯೇ ಶಿವೇ ಸಾನುಕಮ್ಪೇ
ನಮಸ್ತೇ ಜಗದ್ವ್ಯಾಪಿಕೇ ವಿಶ್ವರೂಪೇ |
ನಮಸ್ತೇ ಜಗದ್ವನ್ದ್ಯ ಪಾದಾರವಿನ್ದೇ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ನಮಸ್ತೇ ಜಗತ್ಚಿನ್ತ್ಯಮಾನಸ್ವರೂಪೇ
ನಮಸ್ತೇ ಮಹಾಯೋಗಿನಿ ಜ್ಞಾನರೂಪೇ |
ನಮಸ್ತೇ ನಮಸ್ತೇ ಸದಾನನ್ದರೂಪೇ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ಅನಾಥಸ್ಯ ದೀನಸ್ಯ ತೃಷ್ಣಾತುರಸ್ಯ
ಭಯಾರ್ತಸ್ಯ ಭೀತಸ್ಯ ಬದ್ಧಸ್ಯ ಜನ್ತೋಃ |
ತ್ವಮೇಕಾ ಗತಿರ್ದ್ದೇವಿ ನಿಸ್ತಾರಕರ್ತ್ರೀ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ಅರಣ್ಯೇ ರಣೇ ದಾರುಣೇ ಶತ್ರುಮಧ್ಯೇ-
ಽನಲೇ ಸಾಗರೇ ಪ್ರಾನ್ತರೇ ರಾಜಗೇಹೇ |
ತ್ವಮೇಕಾಗತಿರ್ದೇವಿ ನಿಸ್ತಾರನೌಕಾ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ಅಪಾರೇ ಮಹಾದುಸ್ತರೇಽತ್ಯನ್ತಘೋರೇ
ವಿಪತ್ಸಾಗರೇ ಮಜ್ಜತಾಂ ದೇಹಭಾಜಾಮ್ |
ತ್ವಮೇಕಾ ಗತಿರ್ದ್ದೇವಿ ನಿಸ್ತಾರಹೇತುಃ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ನಮಶ್ಚಣ್ಡಿಕೇ ಚಣ್ಡದುರ್ದ್ದಣ್ಡಲೀಲಾ-
ಸಮುತ್ಖಣ್ಡಿತಾಖಣ್ಡಿತಾಶೇಷಶತ್ರೋ |
ತ್ವಮೇಕಾ ಗತಿರ್ದ್ದೇವಿ ನಿಸ್ತಾರಬೀಜಂ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ತ್ವಮೇವಾಘಭಾವಾದೃತಾ ಸತ್ಯವಾದೀ
ಜಾತಾ ಜಿತಕ್ರೋಧನಾತ್ಕ್ರೋಧನಿಷ್ಠಾ |
ಇಡಾ ಪಿಙ್ಗಲಾತ್ವಂ ಸುಷುಮ್ನಾಚ ನಾಡೀ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

ನಮೋ ದೇವಿ ದುರ್ಗೇ ಶಿವೇ ಭೀಮನಾದೇ
ಸರಸ್ವತ್ಯರುನ್ಧತ್ಯಮೋಘಸ್ವರೂಪೇ |
ವಿಭೂತಿಃ ಶಚೀ ಕಾಲರಾತ್ರಿಃ ಸತೀ ತ್ವಂ
ನಮಸ್ತೇ ಜಗತ್ತಾರಿಣಿ ತ್ರಾಹಿ ದುರ್ಗೇ || ||

 ಶರಣಮಸಿ ಸುರಾಣಾಂ ಸಿದ್ಧವಿದ್ಯಾಧರಾಣಾಂ
ಮುನಿಮನುಜಪಶೂನಾಂ ದಸ್ಯುಭಿಸ್ತ್ರಾಸಿತಾನಾಮ್ |
ನೃಪತಿಗೃಹಗತಾನಾಂ ವ್ಯಾಧಿಭಿಃ ಪೀಡಿತಾನಾಂ
ತ್ವಮಸಿ ಶರಣಮೇಕಾ ದೇವಿ ದುರ್ಗೇ ಪ್ರಸೀದ || ||

ಸರ್ವಂ ವಾ ಶ್ಲೋಕಮೇಕಂ ವಾ ಯಃ ಪಠೇದ್ಭಕ್ತಿಮಾನ್ ಸದಾ |
ಸರ್ವಂ ದುಷ್ಕೃತಂ ತ್ಯಕ್ತ್ವಾ ಪ್ರಾಪ್ನೋತಿ ಪರಮಂ ಪದಮ್
ಪಠನಾದಸ್ಯ ಭೂತೇಶಿ ಕಿಂ ಸಿಧ್ಯತಿ ಭೂತಲೇ || ೧೦ ||

No comments:

Post a Comment