Tuesday, February 26, 2013

ಶ್ರೀಕಾಮಾಕ್ಷೀಸ್ತೋತ್ರಮ್


ಶ್ರೀಕಾಮಾಕ್ಷೀಸ್ತೋತ್ರಮ್

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಕಾಮಾರಿಕಾನ್ತೇ ಕುಮಾರಿ ಕಾಲಕಾಲಸ್ಯ ಭರ್ತುಃ ಕರೇ ದತ್ತಹಸ್ತೇ |
ಕಾಮಾಯ ಕಾಮಪ್ರದಾತ್ರಿ ಕಾಮಕೋಟಿಸ್ಥಪೂಜ್ಯೇ ಗಿರಂ ದೇಹಿ ಮಹ್ಯಮ್ || ||

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಶ್ರೀಚಕ್ರಮಧ್ಯೇವಸನ್ತೀಂ ಭೂತರಕ್ಷಃ ಪಿಶಾಚಾತಿದುಷ್ಟಾನ್ ಹರನ್ತೀಮ್ |
ಶ್ರೀಕಾಮಕೋಟ್ಯಾಂ ಜ್ವಲನ್ತೀಂ ಕಾಮಹೀನೈಸ್ಸುಗಮ್ಯಾಂ ಭಜೇ ದೇಹಿ ವಾಚಂ || ||

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಇನ್ದ್ರಾದಿಮಾನ್ಯೇ ಸುಧನ್ಯೇ ಬ್ರಹ್ಮವಿಷ್ಣ್ವಾದಿವನ್ದ್ಯೇ ಗಿರೀನ್ದ್ರಸ್ಯ ಕನ್ಯೇ |
ಮಾನ್ಯಾಂ ಮನ್ಯೇ ತ್ವದನ್ಯಂ ಮಾನಿತಾಙ್ಘ್ರಿಂ ಮುನೀನ್ದ್ರೈಃ ಭಜೇ ಮಾತರಂ ತ್ವಾಮ್ || ||

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಸಿಂಹಾಧಿರೂಢೇ ನಮಸ್ತೇ ಸಾಧುಹೃತ್ಪದ್ಮಗೂಢೇ ಹತಾಶೇಷಮೂಢೇ |
ರೂಢಂ ಹರ ತ್ವಂ ಗದಂ ಮೇ ಕಣ್ಠಶಬ್ದಂ ದೃಢಂ ದೇಹಿ ವಾಗ್ವಾದಿನಿ ತ್ವಂ || ||

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಕಲ್ಯಾಣದಾತ್ರೀಂ ಜನಿತ್ರೀಂ ಕಞ್ಜಪತ್ರಾಭನೇತ್ರಾಂ ಕಲಾನಾಥವಕ್ತ್ರಾಂ |
ಶ್ರೀ ಸ್ಕನ್ದಪುತ್ರಾಂ ಸುವಸ್ತ್ರಾಂ ಸಚ್ಚರಿತ್ರಾಂ ಶಿವೇ ತ್ವಾಂ ಭಜೇ ದೇಹಿ ವಾಚಮ್ || ||

ಕಾಮಾಕ್ಷಿಮಾತರ್ನಮಸ್ತೇ ಕಾಮದಾನೈಕದಕ್ಷೇ ಸ್ಥಿತೇ ಭಕ್ತಪಕ್ಷೇ
ಚನ್ದ್ರಾಪೀಡಾಂ ಚತುರವದನಾಂ ಚಞ್ಚಲಾಪಾಙ್ಗಲೀಲಾಂ
ಕುನ್ದಸ್ಮೇರಾಂ ಕುಚಭರನತಾಂ ಕುನ್ತಲೋದ್ಧೂತಭೃಂಗಾಮ್ |
ಮಾರಾರಾತೇರ್ಮದನಶಿಖಿನಂ ಮಾಂಸಲಂ ದೀಪಯನ್ತೀಂ
ಕಾಮಾಕ್ಷೀಂ ತಾಂ ಕವಿಕುಲಗಿರಾಂ ಕಲ್ಪವಲ್ಲೀಮುಪಾಸೇ || ||

No comments:

Post a Comment