Tuesday, February 26, 2013

ಗಣೇಶಪ್ರಾತಃಸ್ಮರಣಮ್


            ಗಣೇಶಪ್ರಾತಃಸ್ಮರಣಮ್

   ಪ್ರಾತಃ ಸ್ಮರಾಮಿ ಗಣನಾಥಮನಾಥಬನ್ಧುಂ
   ಸಿಂದೂರಪೂರಪರಿಶೋಭಿತ ಗಣ್ಡಯುಗ್ಮಮ್ |
   ಉದ್ದಣ್ಡವಿಘ್ನಪರಿಖಣ್ಡನಚಣ್ಡದಣ್ಡಂ   
   ಆಖಣ್ಡಲಾದಿ ಸುರನಾಯಕ ವೃನ್ದವನ್ದ್ಯಮ್ || ||

   ಪ್ರಾತರ್ನಮಾಮಿ ಚತುರಾನನ ವನ್ದ್ಯಮಾನಂ
   ಇಚ್ಛಾನುಕೂಲಮಖಿಲಂಚ ಫಲಂ ದದಾನಮ್ |
   ತಂ ತುಂದಿಲಂ ದ್ವಿರಸನಾಧಿಪ ಯಜ್ಞಸೂತ್ರಂ
   ಪುತ್ರಂ ವಿಲಾಸಚತುರಂ ಶಿವಯೋಃ ಶಿವಾಯ || ||

   ಪ್ರಾತರ್ಭಜಾಮ್ಯಭಯದಂ ಖಲು ಭಕ್ತ ಶೋಕ-
   ದಾವಾನಲಂ ಗಣವಿಭುಂ ವರಕುಂಜರಾಸ್ಯಮ್ |
   ಅಜ್ಞಾನಕಾನನವಿನಾಶನಹವ್ಯವಾಹಂ
   ಉತ್ಸಾಹವರ್ಧನಮಹಂ ಸುತಮೀಶ್ವರಸ್ಯ || ||

   ಶ್ಲೋಕತ್ರಯಮಿದಂ ಪುಣ್ಯಂ ಸದಾ ಸಾಮ್ರಾಜ್ಯದಾಯಕಮ್ |
   ಪ್ರಾತರುತ್ಥಾಯ ಸತತಂ ಯಃ ಪಠೇತ್ಪ್ರಯತಃ ಪುಮಾನ್ || ||

                 ***






No comments:

Post a Comment