ಲಲಿತಾಷ್ಟೋತ್ತರಶತನಾಮಸ್ತೋತ್ರಮ್

   ಲಲಿತಾಷ್ಟೋತ್ತರಶತನಾಮಸ್ತೋತ್ರಮ್

ಶಿವಪ್ರಿಯಾ ಶಿವಾರಾಧ್ಯಾ ಶಿವೇಷ್ಟಾ ಶಿವಕೋಮಲಾ

ಶಿವೋತ್ಸವಾ ಶಿವರಸಾ ಶಿವದಿವ್ಯಶಿಖಾಮಣಿಃ ||೧-೭||

ಶಿವಪೂರ್ಣಾ ಶಿವಘನಾ ಶಿವಸ್ಥಾ ಶಿವವಲ್ಲಭಾ

ಶಿವಾಭಿನ್ನಾ ಶಿವಾರ್ಧಾಂಗೀ ಶಿವಾಧೀನಾ ಶಿವಂಕರೀ ||೮-೧೫||

ಶಿವನಾಮಜಪಾಸಕ್ತಾ ಶಿವಸಾನ್ನಿಧ್ಯಕಾರಿಣೀ

ಶಿವಶಕ್ತಿಃ ಶಿವಾಧ್ಯಕ್ಷಾ ಶಿವಕಾಮೇಶ್ವರೀ ಶಿವಾ ||೧೬-೨೧||

ಶಿವಯೋಗೀಶ್ವರೀದೇವೀ  ಶಿವಾಜ್ಞಾವಶವರ್ತಿನೀ

ಶಿವವಿದ್ಯಾತಿನಿಪುಣಾ ಶಿವಪಞ್ಚಾಕ್ಷರಪ್ರಿಯಾ ||೨೨-೨೫||

ಶಿವಸೌಭಾಗ್ಯಸಂಪನ್ನಾ ಶಿವಕೈಙ್ಕರ್ಯಕಾರಿಣೀ

ಶಿವಾಙ್ಕಸ್ಥಾ ಶಿವಾಸಕ್ತಾ ಶಿವಕೈವಲ್ಯದಾಯಿನೀ ||೨೬-೩೦||

ಶಿವಕ್ರೀಡಾ ಶಿವನಿಧಿಃ ಶಿವಾಶ್ರಯಸಮನ್ವಿತಾ

ಶಿವಲೀಲಾ ಶಿವಕಲಾ ಶಿವಕಾನ್ತಾ ಶಿವಪ್ರದಾ ||೩೧-೩೭||

ಶಿವಶ್ರೀಲಲಿತಾದೇವೀ ಶಿವಸ್ಯನಯನಾಮೃತಾ

ಶಿವಚಿನ್ತಾಮಣಿಪದಾ ಶಿವಸ್ಯ ಹೃದಯೋಜ್ಜ್ವಲಾ ||೩೮-೪೧||

ಶಿವೋತ್ತಮಾ ಶಿವಾಕಾರಾ ಶಿವಕಾಮಪ್ರಪೂರಣೀ

ಶಿವಲಿಂಗಾರ್ಚನಪರಾ ಶಿವಾಲಿಂಗನಕೌತುಕಾ ||೪೨-೪೬||

ಶಿವಾಲೋಕನಸಂತುಷ್ಟಾ ಶಿವಲೋಕನಿವಾಸಿನೀ

ಶಿವಕೈಲಾಸನಗರಸ್ವಾಮಿನೀ ಶಿವರಂಜಿನೀ ||೪೭-೫೦||

ಶಿವಸ್ಯಾಹೋಪುರುಷಿಕಾ ಶಿವಸಂಕಲ್ಪಪೂರಕಾ

ಶಿವಸೌನ್ದರ್ಯಸರ್ವಾಂಗೀ ಶಿವಸೌಭಾಗ್ಯದಾಯಿನೀ ||೫೧-೫೪||

ಶಿವಶಬ್ದೈಕನಿರತಾ ಶಿವಧ್ಯಾನಪರಾಯಣಾ

ಶಿವಭಕ್ತೈಕಸುಲಭಾ ಶಿವಭಕ್ತಜನಪ್ರಿಯಾ ||೫೫-೫೮||

ಶಿವಾನುಗ್ರಹಸಂಪೂರ್ಣಾ ಶಿವಾನನ್ದರಸಾರ್ಣವಾ

ಶಿವಪ್ರಕಾಶಸಂತುಷ್ಟಾ ಶಿವಶೈಲಕುಮಾರಿಕಾ ||೫೯-೬೨||

ಶಿವಾಸ್ಯಪಙ್ಕಜಾರ್ಕಾಭಾ ಶಿವಾನ್ತಪುರಃವಾಸಿನೀ

ಶಿವಜೀವಾತುಕಲಿಕಾ ಶಿವಪುಣ್ಯಪರಂಪರಾ ||೬೩-೬೬||

ಶಿವಾಕ್ಷಮಾಲಾಸಂತೃಪ್ತಾ ಶಿವನಿತ್ಯಮನೋಹರಾ

ಶಿವಭಕ್ತಶಿವಜ್ಞಾನಪ್ರದಾ ಶಿವವಿಲಾಸಿನೀ ||೬೭-೭೦||

ಶಿವಸಮ್ಮೋಹನಕರೀ ಶಿವಸಾಮ್ರಾಜ್ಯಶಾಲಿನೀ

ಶಿವಸಾಕ್ಷಾತ್ಬ್ರಹ್ಮವಿದ್ಯಾ ಶಿವತಾಣ್ಡವಸಾಕ್ಷಿಣೀ ||೭೧-೭೪||

ಶಿವಾಗಮಾರ್ಥತತ್ತ್ವಜ್ಞಾ ಶಿವಮಾನ್ಯಾ ಶಿವಾತ್ಮಿಕಾ

ಶಿವಕಾರ್ಯೈಕಚತುರಾ ಶಿವಶಾಸ್ತ್ರಪ್ರವರ್ತಕಾ     ||೭೫-೭೯||

ಶಿವಪ್ರಸಾದಜನನೀ ಶಿವಸ್ಯಹಿತಕಾರಿಣೀ

ಶಿವೋಜ್ಜ್ವಲಾ ಶಿವಜ್ಯೋತಿಃ ಶಿವಭೋಗಸುಖಂಕರೀ ||೮೦-೮೪||

ಶಿವಸ್ಯನಿತ್ಯತರುಣೀ ಶಿವಕಲ್ಪಕವಲ್ಲರೀ

ಶಿವಬಿಲ್ವಾರ್ಚನಕರೀ ಶಿವಭಕ್ತಾರ್ತಿಭಂಜನೀ  ||೮೫-೮೮||

ಶಿವಾಕ್ಷಿಕುಮುದಜ್ಯೋತ್ಸ್ನಾ ಶಿವಶ್ರೀಕರುಣಾಕರಾ

ಶಿವಾನನ್ದಸುಧಾಪೂರ್ಣಾ ಶಿವಭಾಗ್ಯಾಬ್ಧಿಚನ್ದ್ರಿಕಾ ||೮೯-೯೨||

ಶಿವಶಕ್ತ್ಯೈಕ್ಯಲಲಿತಾ ಶಿವಕ್ರೀಡಾರಸೋಜ್ಜ್ವಲಾ

ಶಿವಪ್ರೇಮಮಹಾರತ್ನಕಾಠಿನ್ಯಕಲಶಸ್ತನೀ       ||೯೩-೯೫||

ಶಿವಲಾಲಿತಲಾಕ್ಷಾರ್ದ್ರಚರಣಾಂಬುಜಕೋಮಲಾ

ಶಿವಚಿತ್ತೈಕಹರಣವ್ಯಾಲೋಲಘನವೇಣಿಕಾ    ||೯೬-೯೭||

ಶಿವಾಭೀಷ್ಟಪ್ರದಾನಶ್ರೀಕಲ್ಪವಲ್ಲೀಕರಾಂಬುಜಾ

ಶಿವೇತರಮಹಾತಾಪನಿರ್ಮೂಲಾಮೃತವರ್ಷಿಣೀ  ||೯೮-೯೯||

ಶಿವಯೋಗೀನ್ದ್ರದುರ್ವಾಸಮಹಿಮ್ನಸ್ತುತಿತೋಷಿತಾ

ಶಿವಸಂಪೂರ್ಣವಿಮಲಜ್ಞಾನದುಗ್ಧಾಬ್ಧಿಶಾಯಿನೀ ||೧೦೦-೧೦೧||

ಶಿವಭಕ್ತಾಗ್ರಗಣ್ಯೇಶವಿಷ್ಣುಬ್ರಹ್ಮೇನ್ದ್ರವನ್ದಿತಾ

ಶಿವಮಾಯಾಸಮಾಕ್ರಾನ್ತಮಹಿಷಾಸುರಮರ್ದ್ದಿನೀ ||೧೦೨-೧೦೩||

ಶಿವದತ್ತಬಲೋನ್ಮತ್ತಶುಂಭಾದ್ಯಸುರನಾಶಿನೀ

ಶಿವದ್ವಿಜಾರ್ಭಕಸ್ತನ್ಯಜ್ಞಾನಕ್ಷೀರಪ್ರದಾಯಿನೀ ||೧೦೪-೧೦೫||

ಶಿವಾತಿಪ್ರಿಯಭಕ್ತಾದಿನನ್ದಿಭೃಂಗಿರಿಟಿಸ್ತುತಾ

ಶಿವಾನಲಸಮುದ್ಭೂತಭಸ್ಮೋದ್ಧೂಲಿತವಿಗ್ರಹಾ ||೧೦೬-೧೦೭||

ಶಿವಜ್ಞಾನಾಬ್ಧಿಪಾರಜ್ಞಮಹಾತ್ರಿಪುರಸುನ್ದರೀ ||೧೦೮||